jueves, marzo 28, 2024
14.9 C
San Sebastian

Ibarrako eta Tolosaldeko historiaren testigantzak – Noticias

Más Leídos

Hauspoa Kultur Elkarteak antolatuta, Koldo Alijostes Bordagarai ibartarrak ‘Bizitzak’ liburua aurkeztuko du datorren abenduaren 1ean, Benito Izagirre kultur etxean, arratsaldeko zazpietan.

Bizitzak liburuan Ibarrako familia bati, XX. mendean, gertatutako kontuak aurkituko ditu irakurleak. Baina, etxeko historia ez ezik, Euskal Herrikoa jartzen digute begi aurrean. Etxekoek etxean kontatutakoak, benetako bizipenak. Arruntak dira batzuk. Latzak, hainbat. Alaiak eta hunkigarriak ere ez dira falta.

Kontaketa honen guztiaren ardatza idazlearen gurasoen bizitza da, Gregorio Alijostesena eta Pakita Bordagarairena. Etxean, mahai inguruan, beraiei aditutakoak dira istorio gehienak. Zenbaitetan, beraien hitz zehatzak agertzen dira liburuan, grabatu bezalaxe transkribatuak, errelatoari bizitasuna eta benetakotasuna ematen diotelako.

Gizarte-egoera beraren aurrean, familia edota pertsona bakoitzaren bizipenak ezberdinak dira, eta Alijostes Bordagarai senitartekoei gertaera bereziak bizi izatea tokatu zitzaien: 1936ko gerran, Langile Bataloietan preso, Txabi Etxebarrietaren heriotzan lekuko, Burgosko Prozesuan epaituak, ondoren kartzela eta deportazioa, e.a. Momentu bakoitzean gertatzen ari zena barru-barrutik bizi izan zuten, historiaren taupadak soinean sentitu zituzten, ez ziren ikusle hutsak izan, eta horregatik, garaia gordin eta garden islatzen da haien bizitzetan.

Zenbait deskribapen eta datu historiko ere gehitzen ditu idazleak, pertsona jakin batzuen bizitza kontatzeko, garaiko gizarte-egoeraren, bizimoduaren, pertsonen eta lekuen berri ematea ezinbestekoa delako.

Bizitzak lekukotasun edota memoria historikoaren generoko liburua da.

Última Hora

JM-Fundas asegura que un asiento cómodo es un gran compañero para viajar en moto

Para conducir una moto, resulta primordial que el usuario pueda disfrutar de comodidad en el asiento. Esto hace que...
Más artículos como este